CXXVI.

1324, November 13. o. O.

Hermann, Hofrichter zu Reichenbach, erkennt dem Kloster gewisse Zehnten in Habendorf, gegen Arnold von Peterswalde, zu.

In nomine domini amen. Quia studiose est agendum, ut ea, que a partibus concordatis promittuntur, litteris ac testibus roborentur; hinc nos Hermannus iudex curie in Richinbach omnibus hanc litteram intuentibus cupimus fore notum, quod, cum inter dominum abbatem in Camentz nomine Conradum ac suum monasterium ex parte una necnon Arnoldum de Petirswalde ex altera suborta materia questionis extitisset super iure decimarum in Habirdorph de allodio dicti Arnoldi, quod quondam Jerozlai comitis ibidem noscitur fuisse, visis insuper et perspectis iuribus ac privilegiis partium utrarumque partes nostras interponendo ad concordandum dominum abbatem cum Arnoldo memorato curavimus adtemptare; postulantes dominum abbatem iam premissum, quatenus decimam campestrem pluribus annis per Arnoldum retentam sibi nostri servicii intuitu totaliter relaxaret sub condicionibus inferius subnotatis, videlicet: quod prefatus Arnoldus in presencia nostra, se firmiter astrinxit obligando nostro ac suo sub sigillo, quod ab hora presentis concordie in antea de omnibus mansis, quos colit, de omnibus agris, de quibus dominus Jerozlaus decimam dedit et eodem iure, sicut ipse possedit, ipse cum suis posteris decimam campestrem solvere velit, occasione qualibet non obstante, exceptis rusticalibus dumtaxat mansis, de quibus iuxta consuetudinem antiquam persolvetur decima predialis. Dominus vero abbas de Camentz prenotatus cum suis successoribus racione dictarum decimarum, si quod absit, a plebano de Rosmancha vel ab aliquo alio, quam a monasterio Arnoldus memoratus fuerit inpulsatus, tenebitur litem suam facere ac de iusticia respondere. Acta sunt hec anno domini M°.CCC°.XXIIII°. feria tercia post diem beati Martini presentibus testibus infrascriptis: Henimando de Petirswalde, Arnoldo Longo, domino Nicolao capellano nostro, fratre Winando monacho et fratre Wynando converso de Heinrichow cum aliis pluribus fide dignis.

Or. Perg. An Pergamentstreifen das wohlerhaltene Siegel des Arnold von Peterswalde und das halbzerbrochene des Hermann von Reichenbach. Pfotenhauer, Siegel S. 35 (B. IX. 88.) und S. 31 (B. IX. 51).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.